Malinaw ayon sa palad... MISIS NA NAKATAKDANG MAGING SEAMAN ANG MISTER

Maestro Honorio Ong

KATANUNGAN

1. Itatanong ko lang kung makapag-a-abroad ba ang mister ko na nag-a-apply ngayon bilang seaman? Matagal na si­yang nag-a-apply, pero puro pangako lang ang ginagawa sa kanya kaya medyo naiinip na kami.

2. Hindi maalis sa isipan ko na baka naloko lang kami ng kumpare niya na tumutulong sa kanya para makasampa sa barko. Kasi kahit paano ay inaabot-abutan namin siya ng pamasahe at pang-ayos ng mga papeles ng mister ko at minsan ay sinasamahan din niya ang mister ko sa pag-a-apply.

3. Matutuloy pa kaya ang mister ko at kailan siya makasasampa sa bar­ko?

KASAGUTAN

1. Walang problema, sa sandaling may malinaw na Travel Line (Drawing A. at B. t-t arrow a.) sa kaliwa at kanang palad ng mister mo, tiyak ang magaganap, ma­ka­pag-a-abroad siya sa tak­dang panahong inilaan ng ka­palaran.

2. Ang Travel Line na ito (arrow a.) ay malinaw ding nakikita sa kaliwa at kanang palad ng mister mo, mala­wak at malinaw na Gu­hit ng Pangingibang-bansa (arrow a.) na nangangahu­lugang sa malapit na hina­harap, maka­pag-a-abroad ang iyong mis­ter hanggang sa bandang huli ang pangi­ngibang-ban­sang ito ay pa­ulit-ulit ni­yang mararanasan at dahil na rin sa na­­sa­bing pa­ulit-ulit na pag­ba­­ba at pagsakay sa barko, mag­dadala ito sa buong pa­milya ng masa­gana at maunlad na kabu­hayan.

DAPAT GAWIN

Habang, ayon sa datos ng iyong mister, Che, tiyak ang magaganap, hindi ma­tatapos ang taong 2019 sa last quarter ngayong taon, sa unang linggo ng Oktubre, matu­tu­pad na rin sa wakas ang ma­laon na ninyong pa­ngarap na mag-asawa — makapagba­barko na si mis­ter at ang pag-a-abroad na ito tulad ng na­sabi na, ang siya na ring ma­gi­ging daan upang tuluy-tu­loy nang uma­­ngat at umun­lad ang kabuha­yan ng in­yong pamilya.