KELOT PINATAY NG PAMANGKIN

ALBAY—Isang lalaki ang pinagtataga hanggang sa mapatay ng kanyang pamangkin kamakalawa sa Bgy. Anoling, Camalig.

Ang biktima ay nakilalang si Vicente Nimo, samantalang, ang suspek ay si Jessie Obal, kapwa residente sa naturang barangay.

Ayon sa ulat, nagkaroon ng pagtatalo ang magtiyuhin na humantong sa pananaga ng suspek sa biktima.

Dinala pa ng mga saksi si Nimo sa ospital, pero idineklara itong dead-on-arrival, samantalang, kusang sumuko naman sa pulisya si Obal.