‘Wag nang magsayang ng oras, now na! NANAGINIP NG PERA, YAYAMAN SA NEGOSYO

Socrates Magnus

Salaminin natin ang pa­naginip ni Alexa ng Alexa _Nga_Pala@facebook.com

Dear Professor,

Sana, mahulaan ninyo kung bakit madalas akong managinip ng mga nu­mero at maraming pera?

Naghihintay,

Alexa

Sa iyo Alexa,

Araw-araw, iha, mara­ming iniisip ang tao. Kaya kung minsan, hindi na niya alam kung ano ba ang uuna­hin dahil sa rami ng kanyang gustong gawin.

Minsan, puwede tayong humingi ng payo sa ibang tao, pero, tiyak na ang kanyang ipa­payo ay ‘yung pabor sa nasa isip niya o nakabase sa kara­nasan at kung ano ang kan­yang pinaniniwalaan, kum­baga, ang payo ng ibang tao ay hindi para sa humihingi sa kanya ng payo kundi para sa kanya mismo.

Kung kukuha ka ng payo sa Facebook, lahat ay maga­ganda, pero hindi ito maga­gawa ng tao dahil ang mga ito ay imposible.

Kung a-attend ka ng mga seminar na ang nagsasalita ay mga life coach, gagastos ka ng malaki at sa huli, ikaw na rin ang magsasabi na ang sikreto pala para magtagum­pay sa buhay ay ang bobola­hin mo ang iyong sarili.

Kaya, malilito ka at mas lalong hindi mo malala­man kung ano talaga ang da­pat mong gawin sa buhay mo para ikaw ay umasenso.

Pero, ang maipapayo na­min sa iyo na siya mismong payo ng iyong panaginip na nagsasabing, kapag napa­naginipan ang mga numero, ang nanaginip ay pinagne­ne­gosyo.

Oo, iha, sabi ng pana­gi­nip, business is your only way to a prosperous life. Kaya sa negosyo, darami ang pera mo na ang pahabol na men­sahe ay yayaman ka.

Kaya magnegosyo ka at huwag ng mamasukan.

Hanggang sa muli,

Professor Seigusmundo del Mundo