Lalaking nerbiyoso kaya hindi maipagtapat ang feelings sa co-teacher

Dear Roma,

Magandang araw! Tawagin na lang ninyo akong Oggie. Mayroon akong katrabahong na­gugustuhan at pareho ka­ming guro. Natatakot akong magtapat sa kanya dahil baka hindi niya ako gusto o baka may BF na siya, pero ayoko ring hindi magtapat dahil puwedeng wala pa siyang BF at baka maunahan pa ako ng iba sa kanya kung magpa­patumpik-tumpik pa ako. Ano ang dapat kong ga­win? Ninenerbiyos talaga ako. — Oggie

Oggie,

Alam mo, ‘tol, dapat su­bu­kan mong magtapat sa kanya ng nararamdaman mo, pero kasabay nu’n, da­pat ihanda mo rin ang sarili mong mag-handle ng rejec­tion para kung sakali man, eh, hindi ka gaanong mag­daramdam. Kung sa tingin mo ay kaya mong maging karapat-dapat sa kanya, bakit hindi mo su­bukan? Fight your fears! ‘Ika nga, pa­ano mo malalaman kung hindi mo gagawin o susubu­kan? Pero, kung na­hihira­pan ka talaga, su­bu­kan mong magparam­dam para hindi rin siya mabigla. ‘Yun lang! Good luck!