Malinaw ayon sa birthday... BABAENG NAKATAKDANG SUWERTEHIN SA NEGOSYONG TUGMA SA KANYANG PAGKATAO

Maestro Honorio Ong

Dear Maestro,

Naisipan kong su­mang­guni sa inyo upang alamin kung ano ang aking kapalaran, lalo na sa aspetong pampinansiyal. Isinilang ako noong Sep­tember 2, 1979.

Gusto kong malaman kung masuwerte ba ako sa negosyo at kung may pag-asa ba akong yumaman?

Umaasa,

Jane ng Real, Cardona, Rizal

Dear Jane,

Alam mo para suwer­tehin ang tao sa negosyo anu­man ang zodiac sign at birth date niya, ang unang tanong dapat ay ganito: “Sino ba ang makakasama niya sa nasa­bing negosyo?”

Sa katulad mong Virgo, mapalad ka sa mga kasama sa negosyo na may zodiac signs na Taurus, Capricorn, Libra at kapwa mo Virgo higit lalo silang may mga birth date na 5, 14, 23, 8, 17, 26, 1, 10, 19 at 28.

Ang pangalawang tanong ay ganito: “Ano ba ang nature o uri ng kanyang ne­gosyo?” Ang pangatlong tanong ay ganito: “Matipid ba si­yang tao o bulagsak? Mayabang ba siya o low profile sa lipu­nang kanyang ginagala­wan?”

Sa mga inilahad na kata­nungan sa itaas, nangangahu­lugan lamang na susuwerte­hin ang tao sa negosyong kanyang pinasok kung ka-compatible niya ang mga taong makakasama niya sa kanyang negosyo.

Pang-apat, suwerte ba sa iyo ang negosyo o kalakal na ibinebenta mo? Halimbawa, kung ikaw ay under sa zo­diac sign na Virgo, “earth o lupa” ang elementong tina­tag­lay mo kaya ang dapat mong maging negosyo na may kaugnayan sa earth o lupa. Bukod sa “earth” ang iyong element, dapat mo ring isaalang-alang kung ano ang masuwerteng negosyo na ruling planet ng Virgo na Mercury?

Panlima, saang lugar ka dapat magnegosyo? Dahil may mga negosyong mina­ma­las kapag mali ang lugar o puwesto ng kanilang busi­ness site habang madali na­mang pinagpapala ang ne­gosyo kapag suweto sa lugar ang napuwestuhan o napun­tahan niyang business site.

Ang pang-anim at pina­kamahalaga sa lahat ay ang iyong “attitude” o ugali ng taong nagnenegosyo.

Kung mayabang ang nasabing negosyante, imbes na umasenso hindi lamang ang negosyo kundi maging ang buhay niya, lalo lang si­yang mababaon sa mga pag­kakautang. Tunay ngang marami pang bagay na dapat isaalang-alang upang maba­tid kung ang tao ay susu­wertehin sa negosyo.

Pansamantala, Jane, sun­­din mo ang “sure tips” na inilahad na sa itaas, ma­kikita mo, kapag nasunod mong lahat ang mga nabang­git na diskarte, tiyak ang ma­gaganap, sa susunod na taong 2020, sa edad mong 41 pa­taas, susuwertehin ka, uun­lad at tuluy-tuloy ng sasagana sa kahit anong negosyong ma­isip mo hanggang sa tu­luyan ka nang yumaman na nakatakdang mangyari sa taong 2034, sa edad mong 55 pataas.