Malinaw ayon sa palad... LALAKING NAKATAKDANG MAKAPAG-SAUDI SA TULONG NG KAIBIGAN

Maestro Honorio Ong

KATANUNGAN

1. May pag-asa ba akong maging driver sa Saudi kung sakaling mag-a-apply ako? Ka­salukuyan akong driver ng truck ng basura sa aming barangay kaya ma­liit lang ang suweldo ko.

2. Sa ngayon ay nag-aayos ako ng mga pa­peles dahil may pangako sa akin ‘yung kumpare ko na nasa Saudi na tu­tulungan daw niya ako. Pinadalhan niya ako ng panggastos para pang-ayos ko ng mga papeles.

3. Itatanong ko lang kung matutuloy ako at kung sakaling matuloy ako, magiging maganda kaya ang kalagayan ko sa Saudi?

KASAGUTAN

1. Kung tinutulungan ka ng kumpare mo sa pi­nansiyal at iba pang mga bagay, samantalahin mo na ang pagkakataon kaysa manatili ka sa kasalukuyan mong trabaho na maliit lang ang suweldo.

2. Minsan, kailangang lakasan natin ang ating loob upang umangat ang kalagayang pangkabuha­yan dahil kung mananatili kang walang ginagawa para mabago ang buhay mo, malungkot ang kahi­hinatnan, hindi ka uunlad. Ang kahirapang dinadala mo ngayon ay maaari pang manahin ng mga magi­ging anak at apo mo.

3. Samantala, sadyang malawak at maganda ang Travel Line (Drawing A. at B. t-t arrow a.) sa kaliwa at kanan mong palad. Tanda na basta sumunod ka sa mga ipinagagawa sa iyo ng iyong kumpare, tiyak ang ma­gaganap, sa takdang pa­­nahong inilaan ng kapa­la­ran, may masagana at ma­­bungang pag-a-abroad kang mararanasan.

DAPAT GAWIN

Habang, ayon sa iyong mga datos, Fred, ituloy mo lang ang kasalukuyan mong ginagawang pag-a-apply sa abroad sapagkat sa ma­lapit na hinaharap, tiyak ang magaganap, sa susu­nod na taong 2020, sa bu­wan ng Enero o kaya ay Pebrero, sa edad mong 28 pataas, may mabunga at ma­biyayang pagsa-Saudi na itatala sa iyong kapa­laran.