Negosyante natagpuang patay

LAPU-LAPU CITY—Isang negosyante ang natagpuang patay na may tama ng bala sa ulo sa loob ng kanyang kotse, kamakalawa sa Bgy. Pusok sa lungsod na ito.

Kinilala ang biktima na si Ronald Tagcos, nakatira sa nabanggit na lungsod. Nabatid na ilang residente ang nakatagpo sa duguang bangkay ng biktima sa loob ng kanyang kotse.

Sa pagsisiyasat ng pulisya, natagpuan sa tabi ng bangkay ni Tagcos ang baril na kalibre .38 revolver at dahil dito ay inaalam na ng mga awtoridad kung nag-suicide o kung may naganap na foul play sa pagkamatay ng biktima.