Anak ni Piolo, pang-international na! IÑIGO, PROUD NA NAKATRABAHO ANG PRODUCER NI JUSTIN BIEBER

Beth Gelena / BULGARY FILES

AYAW sagutin ni Iñigo Pascual kung break na sila ng rumored girlfriend na si Maris Racal.

Na-interview kasi si Maris sa Tonight with Boy Abunda kamakailan at naita­nong sa kanya ni Kuya Boy ang tungkol sa kanila ng anak ni Piolo Pascual.

Sagot ni Maris sa TWBA, dinurog daw ng young singer-actor ang kanyang puso.

Nakapanayam naman kamakailan si Iñigo sa launching ng kanyang kauna-unahang international single, ang Options.

Ani Iñigo, inirerespeto niya ang nararam­da­man ng former PBB house­mate.

“As human beings, we go through things. I respect that, I respect how she felt and what she said.”

Pero okey naman daw silang dalawa at marami pang proyektong pagsasa­ma­­han.

Magkaibigan pa rin naman daw sila at ayaw ni­yang mag-isip o magsabi ng masama sa mga nasabi ni Maris.

Ilang buwan ding nama­lagi sa States si Iñigo para sa pag-aayos ng kanyang first international song album.

Katunayan, very thankful siya at nakatrabaho raw niya ang nagpo-produce ng mga shows ni Justin Bieber.