Malinaw ayon sa birthday... LALAKING NAKATAKDANG UMUNLAD KUNG HINDI MAGIGING MAYABANG

Maestro Honorio Ong

Dear Maestro,

Maaari ba ninyong ta­la­kayin ang aking kapala­ran kung ano ang dapat kong gawin upang ako ay magtagumpay sa materyal na bagay at sa larangan ng pag-ibig? Ako ay may birth date na 27 o 9 sa destiny number na 8. Magtata­gum­pay ba ako at magiging maligaya, balang-araw? September 9, 1988 ang birth­day ko.

Umaasa,

Mr. Virgo ng Langka, Jaen, Nueva Ecija

Dear Mr. Virgo,

Siguradong magtata­gumpay ka sa materyal na ba­gay dahil sa destiny num­ber mong 8 (9+9+1988= 2006/ 20+06=26/ 2+6=8). Ang problema ay kung kaya mong mag-ipon o mag­pundar ng kabuhayan dahil sa birth date mong 9 na medyo may pagkabulagsak at pagkamayabang.

“Simpleng buhay” ang por­mula sa lahat ng iyong prob­lema upang matupad mo ang iyong pangarap na mag­tagumpay sa larangan ng ma­teryal na bagay at sa pag-ibig.

Halimbawa, nagkaroon ka ng maraming pera, huwag mong gawing masarap ang inyong ulam, araw-araw at ‘wag din malaking halaga ang ibigay mong baon sa mga bata, gayundin, hindi dapat kayo buwan-buwan nagsa-shopping, sa halip, “sim­pleng ulam lang” na medyo tipid tulad ng mumurahing gulay ang ipa­kain mo sa iyong mga anak at imbes na mag-shopping sa mall, sa palengke na lang kayo ma­mili upang mas ma­ka­mura kayo.

Halimbawa pa ulit, may cellphone ka na, huwag ka ng bumili ng latest model, gayung buo at napakikina­ba­ngan pa ang dati mong cell- phone. “Simpleng pa­mu­mu­­hay lamang ang ipa­mu­mulat mo sa iyong mga anak” magkakaroon ka ng ma­sinop na ugali na mama­nahin ng mga bata na hahantong sa ma­unlad at masaganang pa­mumuhay.

Sa ganyang paraan, umu­unlad ang mga “taong osto” tulad mo na may destiny num­ber na 8. Ang susi o por­­mula, marunong silang ma­mu­hay nang simple lang at ini­iwasan din nilang magma­ya­bang sa lipunang kanilang gi­nagalawan na kamu­kat-mukat mo, mayamang-maya­man na pala ‘yung taong otso sa inyong lugar dahil hindi sila mayabang at natutunan nilang mamuhay nang simple lang.

Sa pag-ibig, talagang med­yo malungkot ang nagi­ging karanasan ng mga taong 27 o taong nuwebe (2+7=9) na tulad mo, masyado kasi kayong “idealistic”. ‘Yun ang sinasabi natin kanina na may kayabangan sila. Ang gusto nilang mapangasawa ay ‘yung mas magaling sa kanila.

Ibig sabihin ng mas maga­ling sa kanila, halimbawa ay college graduate, kinikilala sa lipunan o kaya ay mayaman ang gusto nilang mapanga­sawa. Kaya sa bandang huli, dahil nagiging sobrang mapili sa pag-ibig ang mga taong nine (9) hindi nila namamala­yan na “naubusan” na pala sila ng pamimilian hanggang sa abutin nila ang pagtandang dalaga o pagtandang binata na hindi mo dapat gawin.

Samakatwid, huwag kang maghanap ng “perfect part­ner” gayung hindi ka naman perpektong nilalang sa ha­lip, kilalanin mong mabuti ang iyong sarili. Sino ka ba talaga, ano ang iyong mga kapasi­dad at talento? Kung alam mo kung sino ka talaga, ‘yung ka­tulad mo ang estado ng pa­mumuhay ang hanapin at pi­liin mong maging part­ner.

Ma­aari ring medyo mas ma­baba ang an­tas sa iyo ng na­sabing haha­napin mong ka-partner, pero mabait at ma­sinop din sa pa­mumuhay. Sa ganyang para­an, liligaya ka sa pag-ibig at mas madali pang matutupad ang panga­rap mong umunlad at mag­ka­roon ng maalwan at pang­habambuhay na pa­milya.

Ayon sa iyong Love Ca­lendar, upang lumigaya ka sa buhay-pag-ibig isaalang-alang mo ang mga taong isinilang sa zodiac signs na Capricorn, Taurus, Pisces, Cancer at ka­p­wa mo Virgo na may mga birth date na 2, 11, 20, 29, 5, 14, 23, 7, 16 at 25.

Kung su­sun­din mo ang mga sim­pleng rekomen­dasyong ini­lahad na sa itaaas, “simpleng buhay at pagpa­pakatao” na hindi masya­dong mayabang at mapag­mataas na akala mong ubod ng galing at husay, uunlad ka at mas ma­giging maligaya na magsi­simulang mangyari sa taong 2032, sa edad mong 44 pa­taas.