GOLDEN DRAGON BOAT, TOPS ATHLETES OF THE MONTH

MATAAS na puntos ang ibinigay ng Philippine Canoe Kayak Dragonboat Federation (PCKDF) sa Philippine sports sa bisa ng back-to-back na impresibong panalo sa Singapore at China noong nakaraang buwan. Ang Go For Gold Philippines na dragonboat team ay nakapag-uwi ng gold medals sa DBS Marina Regatta 2019 sa Singapore.

Pitong araw matapos iyon, dalawang gintong medalya uli ang nasungkit nila sa prestihiyosong 2019 Beijing International Dragonboat Tournament. Ang gold-medal winning performances ng PCKDF team sa ilalim ni pangulong Jonne Go at coach Len Escollante ay sapat na para tanghaling “Athletes of the Month” ng Tabloids Organization in Philippine Sports (TOPS) para sa buwan ng Hunyo.

Samantala, tampok sa Thursday TOPS forum ang memory sports athlete na sina 1. Enzo Gabriel Castillon - Newest Filipino Grandmaster of Memory (GMM) 2. Jan Jelo Juanir - Philippines’ Top Junior Memory Athlete at Little Big Shots PH “Memory Kid” 3. Chloe Andrea Galamgam - Reigning Philippine Kids Memory Champion 4. Anne Bernadette Bonita - President, Philippine Mind Sports Association Inc. at Head Coach ng Philippine Memory Team.

Idaraos ang 6th Philippine International Open Memory Championship sa Hulyo 13 at 14 sa Icon Hotel North EDSA kung saan anim na mga bansa, tulad ng Indonesia, China, Malaysia, India, Uzbekistan at host country Philippines kasama ang 83 Memory Athletes ang nakarehistrong lalahok. Halos dumoble mula noong 2018 na may 44 players lang ang sumali. (MC)