Umaapaw na tubig sa fishing port

Socrates Magnus

Salaminin natin ang panaginip ni Jamie ng Ja­mie_Sunshine@face­book.com

Dear Professor,

Ano kaya ang ibig sa­bihin ng umaapaw na tubig sa fishing port?

Naglalakad ako ka­sama ang taong hindi ko kilala, tapos, daraan ka­mi sa fishing port, pero hindi ako makatingin at makalusong dahil sa sob­rang takot ko sa ma­taas na tubig.

Sana, masagot ninyo ito.

Salamat!

Naghihintay,

Jamie

Sa iyo Jamie,

Minsan, umaapaw ang mga biyaya na du­mara­ting sa tao kung saan ha­los hindi niya ito mapa­ni­walaan.

Ang panaginip mo ay nagsasabing, mag-uuma­paw ang kaligayahan mo dahil sa mundo ng mga panaginip, ang tubig ay ka­singkahulugan ng ka­ligayahan.

Sa reyalidad, ang ka­kapusan ng tubig ay ayaw na ayaw ng lahat. Dito sa mundo, isa sa pinakama­halagang bagay ay ang tubig dahil ang totoo, ang tubig ay nagbibigay ng buhay.

Kaya ang umaapaw na tubig ay umaapaw na buhay, kumbaga, masa­yang-masaya.

Totoong nakatatakot ang biglaang pagdami ng tubig, gayundin, ang ugong at alon ng malakas na tubig.

Pero, totoo rin na ang mga suwerte, kapag big­lang dumating sa buhay ng tao, kahit pa siya ay sobrang tuwa, siya rin ay may takot na madarama.

Dahil sa panaginip ay daraan kayo sa fishport, lakasan mo ang loob mo na tahakin ang landas ng buhay na iyong nilala­ka­ran ngayon dahil ha­bang binabagtas mo ang iyong sariling landas, da­rating nang bigla ang na­katata­kot at nakamamang­hang pangyayari sa bu­hay mo, pero kalakip nito ay ang nasabi na sa una­han na ka­ligayahang nga­yon mo pa lang marara­nasan.

Muli, tahakin mo ang landas ng buhay na iyong nilalakaran dahil habang binabagtas mo ito ay sa­salubungin ka ng iyong na­kanenerbiyos na kali­gayahan.

Hanggang sa muli, Professor Siegusmundo del Mundo