Most wanted dedo sa shootout

QUEZON—Isang most wanted criminal ang napatay nang manlaban at makipagbarilan sa pulisya, kamakalawa sa Bgy. Bocboc, Lopez sa lalawigang ito.

Nakilala ang suspek na si Angelito Capellan, nakatira sa nasabing barangay.

Nabatid na darakpin sana ng pulisya si Capellan sa bisa ng warrant of arrest na inisyu ng korte kaugnay sa kinasasangkutan nitong kasong arson at paglabag sa anti-violence against women and children, pero imbes na sumuko ay pinagbabaril ng suspek ang mga awtoridad.

Dahil dito, agad gumanti ng putok ang pulisya kaya napatay ang suspek.