Sakto ngayong tag-ulan, mga beshy! MGA PARAAN PARA MAGKAROON NG WASTE-FREE LIFESTYLE

TAG-ULAN na kaya marami sa atin ang naghahanda para rito, partikular ang mga barangay na may kani-kanyang pakulo para mahikayat ang kanilang mga nasasa­kupan na maglinis ng paligid upang mai­wasan ang pagbaha. Narito, ang ilang pa­raan para magkaroon tayo ng waste-free lifestyle na hindi lang para sa pagpapabuti ng ka­likasan ang mai­­du­dulot kundi ma­ging sa atin mismo ay may epekto ito dahil malaki ang maga­gawa nito upang ma­katipid tayo:

1. NO MORE PLAS­TIC BAGS. Malaking trouble talaga ang plastik tu­lad ng mga plastic bag na la­gayan ng mga pinamili sa pa­lengke, grocery at iba pa, lalo na ngayon tag-ulan kasi ito ang panguna­hing basura na dahilan ng pagbaha sa ilang lugar sa ating bansa. Kung ba­bawa­san natin ang pag­konsumo nito, paniguradong may ma­gandang epekto ito sa bawat isa.

2. BRING YOUR OWN TUMBLER OR COFFEE MUG. Siguro, hindi hassle sa atin kung mag­kakaroon tayo ng sari­ling lagayan ng inumin. Ma­laking tulong ito sa ating kalikasan dahil maiiwasan natin ang pagbili ng plastic bottles. Isa pa, mas maka­ti­tipid tayo kung magre-refill na lang tayo ng tubig sa opisina o sa karinderya na malapit sa school.

3. GET RID OF USING PAPER. Hindi lang paggamit ng plastic con­tainer ang dapat nating iwasan kundi maging ang simpleng paggamit ng paper plates, tissue paper at iba pa dahil ang pagkonsumo ng mga papel ang dahilan kaya nagpapatuloy ang pagpuputol ng mga puno. Makabubuti kung magbabaon na lang tayo ng sariling bimpo o anu­mang pamunas at magdala na lang ng sariling tupperware na lagayan ng pagkain.

4. STAY AWAY FROM PACKAGED FOODS. Ito ay ‘yung mga nabibili nating naka-sachet na produkto. Ang mabuting gawin para maiwasan ito, puwede tayong bumili ng bulk o maramihan para mag­re-refill na lang tayo. Isa pa, mas makamumura tayo rito kumpara sa paisa-isa o pa­unti-unting pagbili ng pro­dukto, make sure lang na pangunahing pangangaila­ngan ito tulad ng asukal, pow­dered milk, kape at iba pa.

5. TRY COMPOS­TING. Maraming nagsa­sabi na ang composting ang pina­kamagandang bagay na ma­gagawa natin sa kalikasan. Kaya imbes na itapon sa ba­surahan ang mga natirang pag­kain, ipunin natin ito upang gawing pataba o fertilizer sa ating halaman.

Kailangan tayong ma­ging responsable sa ating ka­likasan dahil tayo rin ang ma­kikinabang dito pagdating ng panahon.

Copy?