Nanlabang pusher patay

LAGUNA—Isang drug pusher ang napatay nang manlaban at makipagbarilan sa pulisya na nagsagawa ng drug-bust operation, kamakalawa sa Bgy. Lawa, Calamba City sa lalawigang ito.

Ang suspek ay nakilalang si Erick Masalonga, nakatira sa Bgy. Parian sa naturang lungsod.

Ayon sa ulat, darakpin sana sa drug-bust operation si Masalonga, pero nanlaban ang suspek at pinagbabaril ang pulisya.

Kaagad namang gumanti ng putok ang mga awtoridad na naging dahilan kaya napatay ang suspek.