PROFESSIONALS, BEGINNERS, TAMPOK SA OMNI FOOTBALL CUP SA MCKINLEY

KAKAIBANG football tournament na lalahukan ng 300 players ang idaraos sa OMNI Football Cup: Fight to the Finish one-day tournament sa Hulyo 13, 2019 sa McKinley Hill Stadium. Inaasahang maglalaro sa torneo ang mga competitive players mula sa iba’t ibang antas, kabilang na ang collegiate footballers, professionals at kahit mga dati at current youth at senior national team players.

Itatampok ng event ang dalawang dibisyon na may tig-12 teams na magsasagupa sa isang araw na football action. Unang idinaos ang OMNI Cup noong Marso 2019 kung saan ang Suicide Squad Goons ang nagwagi sa Division 1 habang ang Kickstart F.C. ang nakasungkit ng Division 2 title.

“I joined some of their training camps and saw how diverse the football community is. There were professionals and beginners. Every week, more footballers come and join to play the beautiful game,” ayon kay overall event head Henry Yang ng OMNI na sumusuporta sa event.

Ang ikatlong edisyon ng OMNI Cup ay nakatakda sa Disyembre 7, 2019.