Nabuking na tinuhog sila… DONITA, NAGALIT KAY VINA DAHIL SA ISANG AKTOR

Erlinda Rapadas / TEKA NGA

NAGKABUKINGAN ang magkakaibigang Ruffa Gutierrez, Vina Morales at Donita Rose nang mag-guest silang tatlo sa programang Magandang Buhay. At aliw na aliw ang mga viewers sa kanilang mga throwback stories sa kani-kanilang love life.

Ibinuking ni Donita Rose na nag-away at nagtampo siya noon kay Vina dahil naka­relasyon din pala nito si Gary Estrada na ex-BF niya.

Si Ruffa naman, nabanggit din niya na nagkaroon sila ng tampuhan noon ni Karla Es­tra­da dahil kay Zoren Legaspi.

Isa pang sikreto ni Ruffa ay nang sabihin niyang nagka­roon sila ng away noon ng sister ni Vina na si Shaina Mag­dayao dahil sa isang guy na alam ng lahat na si John Lloyd Cruz ang kanyang tinutukoy.

Well, may mga anak na ngayon sina Ruffa, Vina at Donita at pare-pareho rin silang single mom.

They remained good friends kahit na bihirang magkita-kita at magkasama-sama. Sa kani­lang tatlo, si Donita raw ang pinakaligawin kahit na ito ay tahimik lang.

Si Ruffa, laging nai-intimidate ang mga manliligaw dahil sa kanyang mom na si Annabelle Rama na laging nakabantay at sinusuri ang mga nanliligaw sa kanya.