Lolo dedbol sa kotse

ALBAY—Isang 82-anyos na lolo ang namatay nang aksidenteng mabangga ng kotse, kamakalawa sa Bgy. Tuburan, Ligao City sa lalawigang ito.

Ang biktima ay nakilalang si Antonio Moises, residente sa nabanggit na barangay.

Ayon sa ulat, nawalan umano ng kontrol sa pagmamaneho ng kotse si Cesar Lausingco kaya aksidenteng nabangga nito ang biktima na naglalakad sa gilid ng kalsada.

Dinala pa ng mga saksi si Moises sa ospital, pero idineklara itong dead-on-arrival, samantalang, sinampahan na ng kasong reckless imprudence resulting in homicide si Lausingco.