May bagong papa sa Tate… SUGAR, BABU NA KAY WILLIE
BABU na sa Wowowin si Sugar Mercado na co-host ni Willie Revillame sa show. Pormal nang nagpaalam kay Willie si Sugar na lilipad na pa-Amerika kasama ang dalawang anak na babae.
Todo-pasalamat naman siya kay Kuya Wil dahil kinuha siyang co-host ng Wowowin at malaking tulong ‘yun upang maitaguyod ang kanyang dalawang anak.
Well, magse-settle for good na kaya si Sugar sa USA? May special someone ba siyang susundan sa USA kaya mas pinili niya ito kesa sa kanyang showbiz career? Hindi kaya niya ma-miss ang Wowowin?
Anyway, may isang bagong co-host si Willie sa Wowowin bukod kay “Hipon Girl” na si Herlene Budol ng Angono, Rizal. Siya ay si Almira Teng, kapatid ng mga basketbolistang sina Jeron at Jeric Teng.
Magsasanay siyang maging co-host ng Wowowin.
Samantala, lumalakas ang following ng Hipon Girl na si Herlene. Gustung-gusto ng studio audience ang kanyang pagiging natural na kikay at jologs.
Payo lang ng mga televiewers, sana, bigyan ng speech training si Herlene dahil mali-mali ang diction at grammar niya. At sana rin, maipaayos ang ngipin ni Hipon Girl dahil nakaka-distract daw ito. Bigyan na rin ni Willie ng stylist o sponsor ng damit upang magmukha namang artistahin.
Comments