May hinihintay pa raw, Marian… DINGDONG, TIKOM PA ANG BIBIG SA BAGONG BABAE NIYA

Vinia Vivar / FRANKLY SPEAK

KASADUNG-KASADO na ang Descendants of the Sun project ni Dingdong Dantes. In fact, last Thursday ay inanunsiyo na ang iba pang cast ng nasabing Pinoy adaptation ng hit Korean drama na pinagbidahan ng Song-Song couple na sina Song Joong Ki at Song Hye Kyo.

Ang hindi pa ina-announce ng GMA-7 ay kung sino ang leading lady o ang gaganap na Dra. Kang/Beauty although malakas ang bulung-bulungan na si Jennylyn Mercado na raw ang napipisil para sa role.

Nang makausap namin si Dong last Thursday sa contract signing/press launch niya bilang first ambassador ng Mesa Restaurant, hindi pa rin masabi ng aktor kung sino ba talaga ang leading lady niya dahil ang GMA-7 lang daw ang makapagsasabi nito.

When asked kung bakit ang tagal yata ng announcement for the leading lady, sagot ni Dong, “Baka may inaantay.”

Mahihintay pa ba ang leading lady niya?

“Siyempre naman,” sagot niya.

Samantala, perfect na perfect si Dong para maging ambassador ng Mesa Restaurant na pag-aari ng mag-amang Ricky and Eric Dee dahil likas na mahilig sa Pinoy food ang aktor.

“It’s a privilege to represent something that I believe in, lalung-lalo na ako’y isang foodie at mahilig kumain at ang go to talaga nating mga Filipinos ay Pinoy food.

“I’m just so happy na nandito na ako ngayon, representing something that stands for family and quality and service,” pahayag ni Dong.

Ayon naman sa mag-amang Dee, napili nila si Dingdong para maging first ambassador ng kanilang Pinoy restaurant dahil sa pa­giging wholesome, modern family man nito.

“Mesa embodies wholesome family, modern family man. So, one of the reasons is because we needed a modern Filipino family man that is wholesome. That’s why we chose Dingdong. I think, he fits the bill very much well and represents the Mesa brand to the fullest,” pahayag ni Eric.