Driver at konduktor huli sa shabu
Pabs Hernandez III
Jun 22, 2019
1 min read
LA UNION—Isang driver at konduktor ang dinakip ng mga awtoridad nang makumpiskahan ng shabu, kamakalawa sa Bgy. Concepcion, Rosario sa lalawigang ito.
Nakilala ang mga suspek na sina Marlon Artajos, driver at Louie Joliya, konduktor na kapwa nakatira sa nasabing lalawigan.
Nabatid na nakakumpiska ang mga awtoridad ng dalawang sachets ng shabu at markadong pera sa pag-iingat ng mga suspek.
Nakapiit na ang dalawang suspek na kapwa nahaharap sa kasong paglabag sa Dangerous Drugs Act of 2002.
Comments