Kung si Vice nga raw, 'di umubra… KATHRYN AT ALDEN, AYAW UMASANG ITATAOB ANG MOVIE NG KATHNIEL

Erlinda Rapadas / TEKA NGA

NAPAKALAKING pressure naman para kina Alden Richards at Kathryn Bernardo kung hahangarin nilang mapantayan ng pelikula nilang Hello, Love, Goodbye ang box office record ng The Hows of Us nina Kathryn at Daniel Padilla.

Tinalo nga ng The Hows of Us ang mga all-time hits na pelikula ni Vice Ganda at maging ng iba pang top grosser sa MMFF.

Hindi pa nabe-break ang record na naitala ng The Hows of Us at siguro, kahit pagsama-samahin pa ang malalaking artista sa isang peli­kulang pang-Metro Manila Filmfest, walang katiya­kan kung kikita nang mas malaki kesa sa naturang movie.

Kaya, ayaw masya­dong mag-expect ng Kath­Den love team na patata­ubin nila ang record ng The Hows of Us. Sapat nang kumita ito at magus­tuhan ng mga moviegoers.

Pero hindi pababayaan ng mga fans nina Kathryn at Alden ang Hello, Love, Goodbye. In full force si­lang susuporta sa mo­vie. Kani-kanya sila ng diskarte para i-promote nang husto ang first team-up nina Kathryn at Alden.

Pati ang mga fans nina Daniel Padilla at Maine Mendoza, nag-pledge na manonood.