Ayon sa mga eksperto... LEMON, EPEKTIB NA PANLABAN SA DIABETES!
Kilala ang lemon dahil sa taglay nitong Vitamin C na labis na nakatutulong sa immune system. Gayundin, inirerekomenda ng mga eksperto ang lemon bilang sangkap sa home remedies sa iba’t ibang kondisyon tulad ng sinus, chest congestion, lagnat at acne. Bukod pa rito, alam ba ninyo na ang lemon ay epektibo ring remedy para sa diabetes? Wow!
Tulad ng orange, ang lemon ay mayroon ding Vitamin C. Dahil dito, ang lemon at orange ay ginagamit upang mapigilan ang scurvy, uri ng sakit na nagreresulta sa Vitamin C deficiency.
Base sa American Diabetes Association, kabilang sa kanilang listahan ng ‘super foods’ ang lemon dahil nakatutulong sa mga indibidwal na may diabetes ang soluble fiber at Vitamin C na taglay nito. Gayundin, ang lemon ay may mababang glycemic index.
Napakalaking tulong ng soluble fiber at Vitamin C sa mga indibidwal na may diabetes.
Ayon sa mga eksperto, ang high-fiber diet ay nakatutulong upang mapababa ang blood sugar.
Ang soluble fiber ay nakatutulong din umano sa pagpapababa ng tsansa sa pagkakaroon ng heart disease sa pamamagitan ng pagpapababa ng blood pressure at cholesterol.
Ang Vitamin C ay magandang uri ng antioxidant na nakababawas ng free radical damage sa katawan.
Dagdag pa rito, ang mga taong may diabetes ay mayroong mababang level ng Vitamin C, pero dahil nakatutulong ang Vitamin C sa produksiyon ng collagen, namamantina nito ang integridad sa walls ng arteries.
Gayundin, nakatutulong ito sa mga indibidwal na may problema sa sirkulasyon ng dugo at arterial damage.
Sa ilang pag-aaral, ang Vitamin C ay nakatutulong sa pagpapababa ng lebel ng fasting blood sugar, triglyceride, cholesterol at inflammation, gayundin, nakai-improve ito ng insulin resistance.
Akalain n’yo ‘yun, hindi lang simpleng kondisyon ang kayang remedyuhan ng lemon?
Wow, mga besh, kung naghahanap kayo ng home remedy, try n’yo na ‘to!
Hindi masamang sumubok, lalo na kung para sa ikabubuti ninyo.
Copy?
Comments