Chairman niratrat ng mga armado

NUEVA ECIJA—Isang barangay chairman ang napatay nang pagbabarilin ng mga hindi kilalang armadong lalaki, kamakalawa sa Bgy. San Ricardo, Talavera sa lalawigang ito.

Kinilala ang biktima na si Chairman Arniel Bernardo, residente ng nabanggit na barangay.

Ayon sa ulat, papasok sa kanilang bahay si Bernardo nang sumulpot ang mga suspek at agad pinagbabaril hanggang sa mapatay ang biktima.

Iniimbestigahan na ng pulisya ang motibo ng mga suspek sa pamamaslang sa biktima.