Mga taga-Siyete, missing in action, mga tambay lang daw ang bumuhat… VIDEO NG AKSIDENTE NI EDDIE, &#

Anj Cabilla / PAK ANG GANAP!

NAKA-LIFE support pa rin hanggang ngayon ang veteran actor na si Eddie Garcia dahil hirap at hindi nito kayang huminga kapag walang ventilator.

Ayon sa naisulat na report ng Phil­Star, kritikal pa ring inoobser­bahan ang veteran actor at unresponsive pa rin (brain dead) kahit na maayos na nagpa-function ang kanyang puso, kung saan tinawag ito bilang “Glas­gow coma, the lowest rate.”

Ito ay matapos mapatid sa cable wire ang veteran actor at tumama ang kanyang ulo sa sementong sahig na nagresulta ng pag­kabali rin ng kan­yang spinal cord.

Sinabi rin ng long-time partner ni Eddie Garcia na si Lilibeth Romero na idineklarang dead on arrival ang veteran actor nang dalhin sa Mary Johnston Hospital sa Tondo pero na-revive naman ito.

Wala rin daw sinisisi ang long-time partner ni Ed­die at nagpapasa­lamat sa mga taong tumulong sa veteran actor, na tumawag ng duma­raang sasakyan o taxi.

Ngunit, sinabi nito na mas mainam daw kung may naka-standby na medics at ambulance sa set.

Nalungkot din daw siya nang ma­lamang walang nagmamando sa set at ang tumulong pa raw na magdala sa kanyang partner ay mga tambay na nakapaligid/nanonood sa shooting.

Maiiwasan din daw sana ang ak­sidente kung na-check ng mga production ang kondisyon ng kalsada at ang mga wires na nakakalat na na­ging dahilan nga ng pagkatisod ng aktor.

Inalala rin ng partner ni Eddie for 33 years ang pag-alis ng beteranong aktor noong umaga bago siya naak­sidente.

Alas-kuwatro pa lang daw ay buma­ngon na ang aktor para mag-almusal at umalis sa kanilang bahay nang alas-singko para hindi ma-late sa shooting.

Sinabi rin nito na normal at ma­ayos ang kalagayan ni Eddie bago ma­ganap ang aksidente.

Aniya, “His blood pressure and blood sugar were normal.”

Dagdag pa niya, “And he even campaigned (for a party list) in last May 13 elections, staying under the oppressive sun for hours. I was with him, prepared with towels, drinks and sandwiches. So I was devastated when I saw that accident on the video clip. And it had to happen in line of work! I saw the video only once and I don’t want to see it again.”