Patuloy nating ipaglalaban ang tagumpay tungo sa katarungan... BILANG NG MGA BATANG BINABAWIAN NG BU

PAO CHIEF PERSIDA ACOSTA / DAING MULA SA HUKAY HUSTISYA

ANG pangalan ay nag­papatunay at nagpa­pati­bay ng identity o pagkaka­kilanlan ng tao. May mga pagkakataon ding ito ay naglalarawan sa mga ka­tangian ng may-ari ng pa­ngalan at nagpapahiwatig ng kapalaran niya sa bu­hay. Ang teenager na si Mary Joy Fillarca ay may mga katangian na nagpa­totoo sa kanyang panga­lan. Siya ang batang Ma­ria na nagbigay ng katu­waan sa kanyang mga ma­hal sa buhay at kakilala da­hil sa kanyang kagali­ngan at kabutihan.

Ayon sa kanyang mga magulang: “Ang aming anak ay malakas, aktibo, malusog at masiglang bata. Mahilig siyang maglaro ng basket­ball. Napakamatulungin sa gawaing-bahay ang aming anak. Tinutulungan din niya kami sa pananahi ng ibiben­ta naming basahan.”

Sa kasamaang-palad, ba­gama’t, ang lugod at kaba­itang kanyang ipinakita ay hindi na mabubura sa isipan ng kanyang pamilya at na­ka­s­alamuha sa buhay, ang ma­gagandang katangian ni­yang ito ay hindi na kong­kre­tong mamamalas sapag­kat siya ay pumanaw na. Na­kalulungkot isipin na sa edad niyang labing-apat (14) ay binawian na siya ng buhay. Si Mary Joy ay namatay noong Mayo 6, 2019 habang dinadala siya sa ospital ng kan­yang mga magulang na sina Dely at Jonathan Fil­larca.

Siya ang pang-isandaan at tatlumpu’t apat (134) sa mga naturukan ng Dengva­xia na nakaranas ng mga sin­tomas; common pattern of serious adverse effects na con­sistent sa Sanofi decla­ra­tion sa Food and Drug Admi­nistration (FDA) noong Dis­yembre 22, 2015 at namatay na sumailalim sa forensic exa­mination ng Public At­tor­ney’s Office (PAO) Fo­rensic Team, pagkatapos hili­ngin ang serbisyo ng grupo ng pa­milya ng yumao. Bini­bigyan din sila ng naaangkop na lib­reng serbisyo-legal ng aming tanggapan sa pangunguna ng inyong lingkod na siyang aming aksiyon sa kanilang kahilingan.

Si Mary Joy ay naturu­kan ng Dengvaxia sa kani­lang paaralan nang dalawang (2) beses. Una, noong Hunyo 29, 2016 at pangalawa, noong Setyembre 13, 2017. Mata­pos maturukan ng unang bakuna, nakaranas siya ng pasumpung-sumpong na pananakit ng ulo hanggang ngayong 2019. Magtatang­hali ng Mayo 5, 2019 nang magkaroon ng lagnat si Mary Joy. Siya ay pinainom ka­agad ng gamot ng kanyang mga magulang at pagkata­pos ni­yang matulog ay na­wala rin ang kanyang lagnat. Ma­ka­hihinga na sana nang malu­wag ang kanyang mga ma­gulang dahil dito, ngunit, nang sumunod na araw, Mayo, 6, 2019 ay may ser­yo­song na­ramdaman sa kan­yang kata­wan si Mary Joy at ito ay hu­mantong sa kan­yang ka­matayan. Narito ang kaug­nay na pahayag ng ina ng yumao tungkol dito:

“Noong ika-6 ng Mayo 2019, mga alas-otso (8:00) ng umaga, napansin ko na inom nang inom ng tubig si Mary Joy. Tinanong ko siya kung bakit siya inom nang inom ng tubig, ang sagot niya ay masakit daw ang dibdib niya. Pagkatapos nu’n ay napansin ko na tila nahi­hirapan na siyang huminga. Nang tanungin ko siya ay nagreklamo sa amin ang aming anak na sumisikip ang kanyang dibdib at hirap siyang huminga. Siya ay kaagad naming isinugod sa ospital gamit ang aming tricycle. Habang kami ay nasa daan papuntang ospi­tal at lulan ng aming tricycle ay napansin naming hindi na humihinga ang aming anak. Hinipan namin ang kanyang bibig upang bu­ma­lik ang kanyang paghinga, subalit, hindi na ito naka­tulong. Nang dumating kami sa ospital ay kaagad siyang kinabitan ng oxygen ng mga doktor at sinubukang i-re­vive. Matapos ang ilang be­ses na pagtatangkang isalba ang buhay ng aming anak ay sinabihan kami ng doktor na bigo sila at doon nga ay idineklarang dead-on-arri­val ang aming anak.” (Bi­nig­yang-diin)

Hindi ikinakaila ng mga magulang ni Mary Joy na pumayag sila na mapa­ba­kunahan ng Dengvaxia ang kanilang anak. Proteksiyon laban sa dengue ang alam nila hinggil sa nasabing bakuna, maliban dito ay wala na at isa na rito ang maaaring ma­ging epekto nito sa nabaku­nahan. Ang sabi ng mga ma­gulang ni Mary Joy: “Pu­ma­yag kaming mapabaku­na­han siya ng Dengvaxia sa kagustuhan naming siya ay maproteksiyunan laban sa dengue infection. Sinabihan lamang kami ng aming anak na kailangan naming pir­mahan ang papel na kan­yang iniabot sa amin upang mag­bigay-pahintulot sa pag­babakuna sa kanya ng Deng­va­xia. Hindi kami si­nabihan kung kailan ang mga araw ng pagtuturok sa kanya ng Dengvaxia. Mali­wa­nag na napagkaitan kami ng opor­tunidad para mala­man kung ano ang puwe­deng maging epekto ng na­sa­bing bakuna sa kalusu­gan ng aming anak.” (Bi­nigyang-diin)

Naniniwala ang mga magulang ni Mary Joy na may kapabayaan at kawa­lan ng pag-iingat na naganap sa pagbabakuna ng Deng­vaxia na humantong sa ma­raming buhay ng kabataan na nalalagay sa panganib ngayon at nawala kabilang na ang pinakamamahal ni­lang anak. Dahil dito, nais nilang mapanagot ang mga taong mayroong kina­la­man sa pag­pa­pa­laganap ng Deng­vaxia vac­cine nang wa­lang pag-iingat at ta­mang pag-a­aral. Kaugnay nito, lu­ma­pit sila sa PAO at hiniling sa in­yong lingkod ang libreng legal na tulong ng aming tang­ga­pan upang ma­sam­pa­han ng ka­ukulang kasong sibil, kri­minal at ad­mi­nis­tratibo ang mga taong res­pon­sable sa pag­kamatay ng kani­lang anak na si Mary Joy.

Sa mga pagpaparamdam ni Mary Joy at ng mga tulad ni­­yang pumanaw na biktima, may mga naniniwala na ma­aaring hindi nila alam na patay na sila o maaaring hindi nila matanggap ang nangyari sa kanila dahil sa napakapait na sirkumstansiyang bumaba­lot sa kanilang pagpanaw kaya sila ay humihingi ng ka­tarungan.

Sinisikap namin sa PAO na maibigay sa mga biktima at kanilang pamilya ang mi­nimithi nilang hus­tisya. Ka­makailan lamang ay na­kamit ng PAO para sa na­sabing mga biktima ang su­musunod na tagumpay sa yugtong ito ng aming laban.

Noong nakaraang bu­wang ng Mayo (iba’t ibang petsa), kinatigan ng anim (6) na branches ng korte sa Que­zon City ang Motion for Con­solidation ng PAO hing­gil sa Dengvaxia civil cases sa Regional Trial Court (RTC) Branch No. 226 na pinangangasiwaan ni Judge Manuel Sta. Cruz, Jr., Pre­siding Judge. Ang nasabing mga korte at partikular na kaso na orihinal na nakasam­pa sa kanila na nag-isyu ng order hinggil sa consolida­tion ng civil cases laban sa mga defendant sa sala ni Judge Sta. Cruz ay ang mga sumusunod:

Korte Kaso/Mga Kaso Branch 81 Castroverde Branch 84 Guerra at Bautista Branch 100 Silverio Branch 104 Casona, Arugay, Racuya, at De Guzman Branch 215 Mainit at Vasquez Branch 220 Asuncion

Sa pamamagitan ng or­der na inisyu ng Quezon City RTC Branch 226 noong Marso 20, 2019, na-dismiss ang Motions to Dismiss ng Sanofi Pasteur, ang gumawa ng Dengvaxia vaccine at ng Zuellig Pharma, ang local distributor ng nasabing bakuna.

Ito ay may kaugna­yan sa civil suit for damages na isinampa sa nasabing mga akusado ng PAO para sa heirs ng yumaong si Abbie Hedia.

Nawa ay makapagpakal­ma kay Mary Joy at sa mga tulad niyang biktima sa ka­bilang-buhay ang mga bunga ng pagpupunyagi naming mga patuloy na nagbibigay-halaga sa kanila at sa sinapit nila.

Inaasahan namin na ma­durugtungan ang mga ta­gum­pay na ito ng magigi­ting na mandirigma ng katarungan.

(Itutuloy)