Bebot tinodas ng riding-in-tandem
Pabs Hernandez III
Jun 6, 2019
1 min read
NUEVA ECIJA—Isang babae ang pinagbabaril hanggang sa mapatay ng riding-in-tandem, kamakalawa sa Bgy. Soledad, Sta. Rosa sa lalawigang ito.
Nakilala ang biktima na si Marvien de Guzman, nakatira sa nasabing barangay.
Ayon sa ulat, pababa umano sa kanyang sinakyang tricycle si De Guzman nang pagbabarilin ito ng dalawang hindi kilalang suspek na nakasakay sa motorsiklo.
Nagpalabas na ng manhunt operation ang mga awtoridad para madakip ang mga suspek.
Comments