WARRIORS, NAKABAWI PUMATAS NA SA 1-1

PINALAKAS ng two-time defending champion Golden State Warriors ang laro sa third quarter at kalimutan ang pananamlay para tiyakin ang 109-104 na panalo kontra sa Toronto Raptors kahapon upang ipatas ang NBA Finals na may tig-isang panalo.

Determinado ang Warriors na makapanalo, kaya inayos nila ang kanilang posisyon mula nang matalo sa Game 1 sa limang sunod na pagpasok sa NBA Finals. Binuksan ang 3rd quarter sa bisa ng 18-0 run.

Lamang pa ang Toronto sa 12 points sa unang hagi ng laban kung saan nila gi­namit ang dominanteng defensive game at pabagalin ang laro ng Warriors pero nagkamali sila, dahil ang bisita nila ay nagpatatag sa third-quarter, diniskubre ang kahinaan ng katunggali tuwing may game break.“It pretty much won us the game because we established our defensive presence, we got stops and everybody got involved in the offensive end,” ayon kay Warriors guard Stephen Curry, na agad umalis sa laro sa first quarter dahil nahihilo ito. “And when you come to the timeout after a couple runs like that and everybody’s involved ... the vibe is just solid, and we know that we have taken control of the momentum and then it’s just about sustaining it down the stretch.”

Bumanat si Klay Thompson ng team-high 25 points para sa Golden State bago umalis sa game sa fourth quarter dahil sa hamstring injury kaya pagbalik ni Curry ay nagdagdag ito ng 23 habang si Raptors forward Kawhi Leonard ay may game-high 34 points.

Nabigyan si Curry ng technical foul sa nalalabing 68 segundo kaya naigawad kay Leonard ang tatlong free throws at tapyasin pa ang iskor sa 106-102 tungo sa tagum­pay.

Dahil hawak nila ang crowd, nagsalpak ng tres puntos si Danny Green ng Toronto upang hilahin ang Raptors sa two points sa nala­labing 26 segundo kasunod ng clutch 3 ni Andrew Iguodala sa pitong segundo na nati­tira at iselyo ang panalo. (MC/ATD)