Parehong first time… KATHRYN AT SARAH, TIE SA BEST ACTRESS
NAGING maningning ang 35th PMPC Star Awards for Movies sa katatapos na Gabi ng Parangal na ginanap nu’ng Linggo (June 2) sa Newport Performing Arts Theater, Resorts World Manila.
Parehong nasungkit nina Kathryn Bernardo at Sarah Geronimo (hindi nakarating ang Pop Princess) ang Best Actress award at si Ogie Alcasid ang tinanghal na Best Actor.
Naging madamdamin ang pagbibigay-parangal sa Mga Natatanging Bituin ng Siglo sa pagsasama-sama ng mga respetado at tinitingalang bituin sa isang entablado, binigyan ito ng standing ovation at napuno ng palakpakan, marami ang napaiyak sa napakagandang pagtitipong ito.
Ipinagkaloob ang Nora Aunor Ulirang Artista Lifetime Achievement Award kay Dante Rivero at ang Ulirang Alagad ng Pelikula sa Likod ng Kamera Lifetime Achievement Award kay Ms. Laurice Guillen.
Apat na beteranong manunulat — sina Ethel Ramos, Ronald Constantino, Veronica Samio at Letty Celi — ang pinagkalooban ng Outstanding Pillars of PMPC.
Mula sa pamunuan ng Pangulong Sandy Es Mariano, mga opisyales at miyembro, ang 35th PMPC Star Awards for Movies ay mula sa produksiyon ng Airtime Marketing Philippines ni Ms. Tess Celestino at direksiyon ni Bert de Leon.
Mapapanood ang kabuuan ng pagtatanghal sa ABS-CBN’s Sunday’s Best sa ika-16 ng Hunyo, 2019.
Comments