Malinaw ayon sa birthday... LALAKING NAKATAKDANG MAGKAROON NG MATAGAL NA RELASYON KUNG MATUTUTONG MA

Maestro Honorio Ong

Dear Maestro,

Bakit kaya kahit hin­di ako taong tres o isini­lang sa mga numerong 3, 12, 21 at 30 tulad ng ma­dalas ninyong sabi­hin ay bigo rin ako sa pag-ibig?

October 31, 1992 ang birth­day ko at napapan­sin kong hindi ako su­werte sa pagkakaroon ng girlfriend? Nagkaka-GF ako, pero, bakit kaya nawawala rin?

Marami na akong na­ging girlfriend at ang ka­salukuyan ay parang ma­labo na rin.

Ano ang dapat kong gawin para mapanatili ko ang ma­gandang re­las­yon?

Sa palagay ninyo, com­patible ba kami ng kasalukuyan kong girl­friend na isinilang noong July 2, 1993?

Umaasa,

Edwin ng Sabang, Baler, Aurora

Dear Edwin,

Malamang hindi ka ma­runong mag-alaga ng girlfriend o kaya ay maaari ring hindi ka marunong mag-manage ng relasyon, kaya ang nangyayari kahit nagkaka-girlfriend ka ay mabilis din itong nawa­wala sa iyo.

Alam mo, ang pagkaka­roon ng girlfriend ay para ring pag-aalaga ng pabo­rito mong hayop. Dapat inaalagaan mo siya, hina-hug at kina-cuddle, hindi lang physically, bagkus, ang mas mahalaga ay emo­tionally.

Ibig sabihin, hindi mo siya dapat pinagagalitan nang wala sa lugar o bini­bigyan ng sama ng loob. Si­yempre, tulad ng pag-a­alaga ng hayop, kailangang sensitive ka sa kanyang mga pangangailangan, lalo na sa aspetong pang-emosyunal, gayundin, sa pampinansiyal.

Tinatawagan mo ba araw-araw ang girlfriend mo para kumustahin tun­kol sa kanyang kalagayan? Dapat paggising mo sa umaga, tawagan mo siya kaagad at sabihing “wala lang mahal, na-miss lang kita.”

Pagkatapos, pagda­ting nang gabi, bago siya ma­tulog dapat ay magpaalam ka sa kanya, halimbawa, mag­sabi ka ng “good­night, sweet dreams” at iba pa.

Kung paborito niya ang flower, dapat every week binibigyan mo siya nito. Mas maganda kung iba’t ibang kulay ng bu­laklak na paborito niya. Halimbawa, rose na red, rose na pink, rose na yel­low at puwede ring rose na blue. Basta, kailangang maipadama mo sa kanya na mahalaga siya at ang kaligayahan lamang niya ang hangad mo.

Pagkatapos, kaila­ngan mo ring alamin ‘yung mga lugar na gustung-gusto niyang puntahan. Kahit ayaw mo ru’n, kailangan mo siyang ipasyal sa na­sabing mga lugar dahil ang kaligayahan niya ay dapat maging kaligaya­han mo na rin.

Kapag magkasama kayo, huwag mo siyang ka­­lilimutang halikan at ya­kapin, lalo na bago kayo mag­paalam sa isa’t isa. Ang mga babae ay nanga­ngailangan din ng init ng pagmamahal.

Dapat hindi mo rin si­nasaktan ang kanyang dam­damin, lalo na kapag nag-aaway kayo o kaya ay may­roon kayong hindi pagka­kaunawaan.

‘Yun kasi ang pinaka­maselang sandali sa relas­yon, kapag may mga bagay kayong pinagtatalu­nan o pinagkatampuhan.

Tandaan mo, lahat nang relasyon ay nawawa­sak o nauuwi sa hiwalayan kapag may dahilan silang hindi mapagkasunduan. Sa totoo lang, kung mahal mo ang tao, puwede kang magbigay o magparaya.

Sa pagpaparaya, ru’n lumulutang ang mas ma­tinding pag-ibig mo sa kanya habang kung palagi ka na­mang nakikipagdis­kusyon at ayaw mong mag­patalo, ru’n lumulutang ang pagi­ging makasarili.

Hindi lang makasarili da­hil palagi kang nakiki­pag­talo sa mahal mo, ibig sa­bihin, makitid ang utak mo dahil kaunting bagay lang ayaw mo pang mag­patalo, eh, samantalang, ang “tatalo naman sa iyo” ay ‘yung taong mahal mo!

Kaya sa pag-ibig, ka­pag nilimot mo ang iyong sarili, alang-alang sa iyong minamahal, doon ka lang ganap na liligaya kung saan matapos kang magparaya at magbigay, wagas at da­lisay ka niyang mamaha­lin hanggang sa makabuo kayo ng masaya at pang­ha­bambuhay na pagma­ma­halan.

Tandaan mo, Edwin, gayundin sa iba pang mga lalaki na nagbabasa ng ar­ti­kulong ito, alagaan ninyo ang inyong girlfriend.

Pa­lagi n’yo silang ka­kausapin, yayakapin at ang pinakamahalaga sa lahat, pakakainin at bibigyan ng mga paborito nilang pag­kain tulad ng chocolate, cake, ice cream, pizza at iba pang matatamis na paborito nila.

Makikita mo, kapag ginawa mo ang mga sim­pleng suhestiyong nabang­git na sa itaas, hinding-hindi ka iiwanan ng iyong girlfriend kahit dumating pa ang panahong kapwa bungal na ang inyong mga ngipin at maputi na ang inyong buhok.

Sabi nga ni David Ray Wilkerson, American Chris­tian Evangelist: “Love is not only something you feel. It is something you do.”

Ibig sabihin, ang tunay na pagmamahal ay hindi lang dahil masaya ka kasi mahal mo siya.

Ganito naman ang sabi ni Wilhelm Van Lub­reitz, German Philoso­pher: “To love is to place our happiness in the hap­piness of another.”

Sa madaling salita, “ang tunay na pag-ibig ay hindi ang pag-intindi mo sa sarili mong kaligaya­han kundi ang pag-intindi mo sa kaligayahan ng iyong minamahal.”