May sariling billboard pa raw… SUE, PROUD NA PROUD SA PAGPAPAAYOS NG MUKHA

Nitz Miralles / BIDA

NAKA-POST sa Instagram (IG) ni Dra. Vicki Belo ang treatment na ginawa ng Belo Medical Group kay ABS-CBN star Sue Ramirez para maalis ang double chin.

Aminado si Sue na prominent ang double chin niya at ‘yun ang inayos sa pamamagitan ng Thermage FLX, ang latest version ng anti-aging machine.

Sabi ni Sue, “It’s virtually painless and there’s abso­lutely no down-time. I’ve also been teased of my “siopao face.” But after trying Thermage FLX, I saw the effects immediately. I know it’s going to be better in the coming months.”

Dream come true kay Sue ang pagkakaroon ng billboard na in-unveil sa Las Casas Filipinas sa Quezon City at doon din in-introduce ni Dra. Belo si Sue as the face of Thermage FLX. Doble ang saya ni Sue dahil kasama niya ang pamilya niya at mga kaibigan sa unveiling ng kanyang solo billboard.

“Alam ng pamilya ko ito, pangarap ko magka-billboard sa EDSA at nagkatotoo na. Thank you, Dra. Belo,” pasasalamat ni Sue.

Si Sue pala ay gumawa ng pelikula sa South Korea na may pamagat na Sunshine Family. Co-produced ang movie ng Spring Films at Korean film studio na Film Line Productions. Ang Korean actor-singer na si Shinwoo na member ng K-pop idol group na Blanc 7 ang leading man niya at directed ng Korean director na si Kim Tai Sik.

Kabilang sina Nonie Buencamino, Marco Masa at Shamaine Buencamino sa Filipino cast ng pelikula.