Tulak dedbol sa drug-bust

LAGUNA — Isang drug pusher ang napatay nang manlaban at makipagbarilan sa pulisya na nagsagawa ng drug-bust operation kamakalawa sa Bgy. Parian, Calamba City.

Kinilala ang suspek na si Japhet Alvarez, nakatira sa naturang lungsod.

Ayon sa ulat, darakpin sana sa drug-bust operation si Alvarez pero, nanlaban ito at pinagbabaril ang mga pulis.

Agad namang gumanti ng putok ang awtoridad na naging dahilan kaya napatay ang suspek.