Pahiwatig na nangangarap nang mataas
Salaminin natin ang panaginip ni Rebecca ng Rebecca_Canoso@facebook.com
Dear Professor,
Nanaginip ako na may ginagawa akong building.
Ano ang ibig sabihin nito?
Naghihintay,
Rebecca
Sa iyo Rebecca,
Kitang-kita ang mga pangarap ng bawat tao sa kanyang mga napananaginipan, tulad ng panaginip mo, ang pinapangarap mo ay ang magkaroon ka ng building.
Makikita rin sa panaginip ang sikreto ng tagumpay at ito ay ang “aim high”. Oo , iha, “high” talaga dahil ang building ay mataas.
Alam mo, iha, nang dumating sa bansa natin ang mga Amerikano na may lihim na hangarin na alipinin tayo sa aspeto ng ekonomiya. ‘Yun bang aasa lang tayo sa kanila dahil pakiramdam natin ay hindi na tayo uunlad, pumili sila ng awiting bayan kung kailan ang mismong mga letra ay matatanim sa ating kamalayan na magiging sanhi na ang bansa o tao ay hindi na mangangarap na yumaman.
Pero, sila ang mga Amerikano ang magpapakasasa sa likas na kayamanan ng ating mahal na bansa at maging ang takbo ng negosyo ay makokontrol nila. Pinasikat nila ang awiting “Bahay-Kubo”.
Ang totoo, mas kabisado ng mga Pinoy ang Bahay-Kubo kaysa sa Lupang Hinirang at ang may kagagawan nito ay ‘yung mga dayuhang mapagsamantala sa ating kabuhayan na tulad ng nasabi na, ang mga Amerikano.
Kaya ang mga Pinoy, nagtanim ng mga halaman sa paligid-ligid. Ito ang konsentrasyon ng mga Pinoy kasi ito ang itinamin sa ating kamalayan ng mga dayuhang mananakop.
Kaya masasabing, mababa ang pangarap ng mga tao, simpleng buhay lang, kumain, matulog at bukas magtatanim ng gulay, tapos muling matutulog. Lakasan mo ang loob mo, Rebecca, isabuhay mo ang sinasabing, “be brave, have no fear because success is simply bravery and courage”!
Hanggang sa muli,
Professor Seigusmundo del Mundo
Comments