Parak tepok sa mga rebelde

AGUSAN DEL NORTE — Isang pulis ang napatay nang manlaban sa mga miyembro ng New People’s Army (NPA) na nagtangkang dumukot sa kanya, kamakalawa sa Bgy. Tagcatong, Carmen sa lalawigang ito.

Kinilala ang biktima na si M/Sgt. Jimmer Omisol, nakatalaga sa PNP-Region 13 na nakabase sa lalawigan.

Ayon sa ulat, pababa ng kanyang kotse si Omisol nang tangkain itong dukutin ng mga hindi kilalang miyembro ng NPA, pero bumunot ng baril ang bik­tima at pinagbabaril ang mga rebelde.

Kaagad gumanti ng putok ang mga rebelde kaya napatay ang biktima.