Malinaw ayon sa palad... BABAENG NAKATAKDANG MAGING CAREGIVER

Maestro Honorio Ong

KATANUNGAN

1. Dati na akong nag-abroad sa Hong Kong at ngayon ay nag-a-apply akong caregiver sa Eu­rope. Itatanong ko lang kung matutuloy ba ako?

2. Kung sakaling hin­di ako matuloy, saang larangan kaya ako uun­lad at yayaman, sa pag­nenegosyo o pagtatra­baho?

3. Ang dati kong tra­baho sa Hong Kong ay D.H. at nang matapos ang kontrata ko ay nag-training ako para ma­ging caregiver, magtata­gumpay kaya ako sa la­rangang ito?

4. Sa totoo lang, sa aming magkakamag-anak kami na lang ang mahirap, halos lahat dito sa compound namin ay may mga kaya na sa bu­hay. Kaya sana sa pagke-caregiver kong ito ay ma­iangat ko na ang kabu­hayan namin. Magtata­gumpay kaya ako sa sim­pleng pangarap kong ito?

KASAGUTAN

1. Walang problema, Carmie, sa pinapangarap mong maging caregiver sa Europe, ito ang nais sabi­hin ng ikalawa at mas ma­lawak na Travel Line (Dra­wing A. at B. t-t arrow a.) sa kaliwa at kanan mong palad. Tanda na sa walang lubay na pangingibang-bansa higit kang aasenso at sasagana kaysa sa pag­tatrabaho dito sa lokal o maging sa pagnenegosyo man.

2. Ang pag-aanalisang mas papalarin ka sa ab­road, lalo na sa Europe ay madali namang kinum­pirma ng maaliwas at ma­ganda mong lagda. Tanda na sa panahon ngayon, nasasagap na ng uncons­cious mong pagkatao na buumbuo ang loob mo at anuman ang makursuna­dahan mong gawin, tiyak na ito ay iyong mahahab­lot at makakamit at wa­lang dudang magkakaroon ng positibong katuparan.

MGA DAPAT GAWIN

1. Ayon sa iyong mga datos, Carmie, ang mabu­nga at mabiyayang pangi­ngibang-bansa ay hindi pa magaganap ngayong 2019 kundi sa last quarter pa ng taong 2020.

2. Sa partikular, ang nasabing pagke-caregiver sa Europe ay magaganap sa buwan ng Oktubre, sa edad mong 32 pataas at ang nasabing pangingibang-bansa ay magbibigay sa iyo ng tuluy-tuloy na pag-unlad sa larangan ng ma­teryal na bagay hanggang sa hindi masasabing na­pakayaman kundi medyo aangat na ang kabuhayan ng iyong pamilya kung iku­kumpara sa iba mo pang mga kamag-anak at kapitbahay (F-F arrow b., H-H arrow c.), gayundin, tuluyan ka nang aasenso at uunlad.