Bebot na natatakot makipagkita sa lalaking nakilala sa dating APP

Dear Roma,

Ako si Geraldine, 29 years old. Dati akong taga-Bataan, pero nga­yon ay nandito na ako sa Maynila dahil kinuha ako ng tiyahin ko para maging kahera sa busi­ness niya. Sa ngayon, gu­magamit ako ng dating application para maka­tagpo ng lalaking ma­kakasama ko, habam­bu­hay. Sa katunayan, ma­rami na akong naka-chat at nakilala, pero may la­laki ngang gusto ma­kipagkita sa akin, kaya lang natatakot ako. Ano sa tingin ninyo, dapat ba akong makipagkita? — Geraldine

Geraldine,

Alam mo, sis, sa totoo lang walang masama sa paggamit ng mga dating application, pero dapat aware tayo sa conse­quen­ces nito. Siguro naman hindi lingid sa kaalaman mo na marami na ang napahamak sa paggamit nito, pero mayroon din na­mang sinuwerte. Sa totoo lang, nasa sa iyo ang de­sisyon, kung sa tingin mo, eh, katiwatiwala ang lala­king nakakausap mo, pu­wede, pero kung naghihi­nala ka, mainam na mag­sama ka ng kaibigan o kamag-anak para ma­siguro mong walang mang­yayaring masama sa iyo. Good luck!