Ganu'n daw talaga, Joey… WINWYN, HAPPY SA PAGKATALO NG KUYA SA ELEKSIYON
- BULGAR
- May 22, 2019
- 1 min read
BAGAMA'T ikinalungkot ni Winwyn Marquez ang pagkatalo ng kanyang kuyang si Jeremy Marquez na tumakbong vice-mayor ng Parañaque sa katatapos lang na halalan, anang aktres ay maluwag naman daw nila itong tinanggap.
“Siyempre, sad kami, lahat naman kami. Pero kung ‘yun talaga ang God’s will, sabi nga ng kuya ko, kailangang tanggapin,” pahayag ng isa sa cast ng GMA-7’s new drama series, ang Dahil sa Pag-ibig.
“Hindi naman natin puwedeng kuwestiyunin kung ano ang nangyari, kasi nandiyan na rin naman ‘yun.
“I’m happy na positive ‘yung kapatid ko sa nangyari. Okay lang sa kanya. Let’s see kung babalik siya, kung ita-try niya ulit. Let’s see, ‘di ba? Wala namang masama. I’ll pray for him. I pray for everything else. At least, positive naman siya,” pahayag pa ni Winwyn.
Samantala, kasisimula lang sa ere ng serye niyang Dahil sa Pag-ibig last Monday at happy ang aktres that she’s given another challenging role bilang si Portia na mai-involve sa isang OFW na ginagampanan ni Benjamin Alves.
Comments