Hey, dude, ginamit lang daw vs. sa kalaban ng nagpatakbo sa kanya… SIKAT NA AKTOR, KALAT NANG KUMITA

BLIND ITEM:

LABIS na ipinag­tataka ng mga taong nakapaligid sa isang sikat na aktor kung bakit hindi man lang daw ito nalungkot nang matalo sa tinakbuhan niyang puwesto sa katatapos na midterm election.

At mukhang hindi nga niya sineryoso ang muling pagpasok sa pulitika.

Hindi lang daw matanggihan ng aktor ang alok na kumandidato siya upang may maipanlaban sa malakas na kandidato na mahigpit na katunggali ng taong nag-udyok na tumakbo siya sa isang mataas na posisyon.

Dati nang natalo ang sikat na aktor nang tumakbo rin noon sa national election. Mula noon, kapag tinatanong siya ng media kung may planong balikan ang kan­yang political career, big “NO” ang sagot niya. Na­paso na raw siya sa kan­yang sad experience noon sa pulitika.

Pero, ikinagulat mis­mo ng malalapit na kaibi­gan ng sikat na aktor nang bigla na lamang itong nag­deklara na tatakbo sa isang malaking puwesto sa isang lungsod sa Metro Manila.

Ang siste, hindi na­man naramdaman ng mga bo­tante na nag-effort siya nang husto upang manalo. Kaya kahit natalo siya ay ded­ma at hindi apek­tado tulad ng ibang talunang kandidato.

Ang duda tuloy ng iba, kumita pa nga raw nang malaki ang sikat na aktor mula sa mga sponsors na sumuporta sa kanya.