Nancy, mas may ‘K’ daw kesa sa iba… SIGAW NI JV KAY JINGGOY: BITTER!

Anj Cabilla / PAK ANG GANAP!

MUKHANG tumatak kay JV Ejercito ang sinabi ng kanyang utol na si former Senator Jinggoy Estrada na nag-concede na sa naganap na midterm election dahil hindi siya pasok sa partial-unofficial results ng Magic 12 senators.

Sa naging mahabang mensahe ni Jinggoy, nag­pasalamat siya sa mga tumulong sa kanya sa na­ging eleksiyon at binati rin ang mga kasamahan dati sa Senado at ang mga bagong halal na senador.

Pero ang pinakatu­matak sa lahat ay ang pagpuri ni Jinggoy kay Sen. Nancy Binay at pag­sabing deserve nito ang 12th spot kesa sa iba.

Ani Jinggoy, “Kay Sen. Nancy, alam ko marami ka pang magagawa sa Senado na makaka­tu­long sa ating mga kaba­ba­yang mahihirap. Keep it up!

“You deserve to keep the 12th spot because you have a very big heart for the poor and you are the BETTER person among others. Con­gratulations my friend.”

Dahil si JV ang nasa 13th spot at kaagawan ni Nancy sa 12th spot, marami ang nag-isip na pa­tutsada ito ni Jing­goy sa kanyang ka­patid sa amang si Manila Mayor Erap Estrada.

Kaya ilang oras pagkatapos mag-concede ni Jinggoy, nag-tweet si JV ng, “I am still… The Good One.”

Ilang oras pa makalipas ay ini-retweet naman ni Ejercito ang tweet ng Twitter user na si Christian Esguerra na nagla­lahad ng “Jinggoy hails Nancy, mocks half-bro­ther JV in battle for 12 spot,” na may link ng balita ng ABS-CBN at nilagyan niya ng “And I am really the Good One...”

Bandang alas-otso nang gabi, nag-tweet uli si JV ng “Bitter”.

Kung matatandaan, ang “The Good One” ang campaign slogan ni JV nang kumandida­tong senador, na tinapatan naman ng kanyang half-brother ng “I’m the better one”.

Bago mag-eleksiyon, sa isang panayam ay ina­min ni JV na posib­leng maka­apek­to sa re­sulta ng kani­lang maku­kuhang boto ang pagka­kasabay nila ni Jinggoy bilang senatorial candidate, at mukhang ito nga ang nangyari kaya pareho silang hindi pina­lad na makapasok sa Top 12 senators.