Wanted na ex-cop nasakote

OLONGAPO CITY—Isang wanted na dating pulis na may kasong pagpatay ang naaresto ng mga awtoridad, kamakalawa sa Bgy. West Bajac-Bajac sa lungsod na ito.

Ang suspek ay nakilalang si ex-Pat. Eliaz Gamboa, nakatira sa naturang lungsod.

Nabatid na si Gamboa ay dinakip ng pulisya sa bisa ng warrant of arrest na inisyu ng korte kaugnay sa kinasasangkutan nitong pananaksak at pagpatay sa kanyang live-in partner na si Victoria Pangilinan sa Maynila.

Hindi naman nanlaban si Gamboa nang dakpin siya ng mga awtoridad sa nasabing lugar.