Sundalo ligtas sa kamatayan
Pabs Hernandez III
May 15, 2019
1 min read
ZAMBOANGA SIBUGAY—Isang sundalo ng Philippine Army (PA) ang nakaligtas sa kamatayan nang hindi tamaan ng bala nang barilin ng tatlong armadong lalaki, kamakalawa sa Bgy. Paradise, Diplahan sa lalawigang ito.
Nakilala ang biktima na si Army Sgt. Nemetz Braganza, nakatalaga sa nasabing lalawigan.
Nabatid na nakasakay sa kanyang motorsiklo si Braganza nang barilin ng mga suspek na nakilala sa mga alyas Natan, Nonoy at Dadoy, pero hindi tinamaan ng bala nang makatakbo at makapagtago.
Nagpalabas na ng manhunt operation ang mga awtoridad para madakip ang mga suspek.
Comments