Palpak na Misyon Ni Ronalyn Seminiano Reonico

What's IN, ka-Bulgar

Siguro’y ayos lang ito,

ngunit, pagkukunwari’y sinusubukan.

Tila mababaliw at mawawala sa katinuan,

kung hindi yuyuko, tiyak na mapuputol.

Isang misyong muling nabigo dahil hindi makuha ang gusto.

Magdamag na nagsisiyasat, mga anino sa kalsada’t daan

sa iyo’y magpapaalala ng kabiguan.

Paghabol sa malabong ilaw,

mga kasinungalinga’y

kaysarap pakinggan,

nu’ng sinabi ang pakikipagkaibigan.

Sa mata’y hindi maikukubli,

ika’y hindi na muling masisilayan.

Ang durog na puso’y hindi na mabubuo,

ngunit, pagkukunwari’y maaaring gawin.

Lahat ng kalungkuta’y dumadaloy sa ugat.

Misyon ay muling nabigo.