Kahit 8 yrs. na sa show… ANGELINE, NATSUGI SA ASAP DAHIL DAW KAY REGINE

Melba Llanera / INSIDER

SA halos dalawang buwan na pagka­wala ni Angeline Quinto sa A.S.A.P. Natin ‘To, muling nabuksan ang isyu na sa pag­pasok ni Regine Velasquez sa show ay marami talaga ang nasa­ga­saan at kung ‘di man nawalan ay naba­wasan ang trabaho.

Bilang isang solid Re­gine Velasquez fan, agad naman ding dine­pensahan ni Angeline ang idolo at sina­bing kapag may mga naba­basa siya na ganitong ko­mento ay na­lulungkot siya dahil alam naman ng lahat na sobrang mahal niya si Regine.

Para sa Star Power grand champion ay ‘di dapat si­sihin ang Asia’s Songbird sa mga pagbabago sa ASAP dahil gusto lang ng team ng show na sumubok din ng bago na ihahain sa mga ma­nonood nito.

Pero sa kabila nito ay inamin din ni Angeline na sa pansamantala niyang pagkawala sa A.S.A.P. Natin ‘To ay na­paisip siya lalo’t mula nang manalo siya sa Star Power walong taon na ang na­kararaan ay regular siya sa A.S.A.P..

Alam ni Angeline na may rason ang management at ‘di na lang ito sinabi sa kanya nang personal. Idinaan na lang ni Angeline sa dasal ang lahat kaya ang laki ng pasasalamat niya na two consecutive Sundays na siyang napa­panood sa A.S.A.P. NATIN ‘TO.

Ngayon ay abala si Angeline sa preparasyon para sa nalalapit nilang concert ni K Brosas titled Angeline K ‘To, Concert Namin Ito na gaganapin sa Smart Araneta Coliseum.

Excited at kinakabahan si Angeline dahil ‘di biru-biro ang Araneta. Ang pangako na lang ng singer, bukod sa mga solo at duet songs nila ni K ay magiging gabi ito ng katatawanan na malaking tulong sa mga taong nalu­lung­kot at may mabigat na pinagdara­anan sa buhay.

Sa tanong kung sa pa­la­­gay ba niya ay puwe­deng mauwi sa kasalan ang lahat, isang “sana” lang ang naisagot ni Anton.

Nagpapasalamat din si Anton kina Vice at Regine dahil libre nila itong nakuha para mag-guest sa Shine concert niya na gaganapin sa June 15 sa Cuneta Astrodome mula sa production ng TOES (Teri Onor Entertainment and Services) ni Teri Onor.

Ikinatutuwa naman ni Anton na marami sa malalaking artista ang handang sumuporta at tumulong kapag may mga tulad niya na gustong subukan na ring magkaroon ng sariling concert sa malakihang venue tulad nga ng Cuneta Astrodome.