Tatay na gustong patayin ang nanay

Socrates Magnus

Salaminin natin ang pa­naginip ni Shen ng Shen_ Marquez@facebook. com

Dear Professor,

Ano ang ibig sabihin ng panaginip ko na ‘yung na­nay ko ay itinatakbo ko habang dala namin ang dextrose niya dahil lasing ang tatay ko at parang gus­to siyang patayin nito?

Sa totoong buhay ay bed ridden na ang nanay ko dahil inoperahan siya sa utak at ang tatay ko mula noon ay lasenggo na.

Naghihintay,

Shen

Sa iyo Shen,

Napakahirap ng kalaga­yan ng nanay mo na bed ridden, pero mahirap din ang kalagayan ng anak na nag-aalaga sa kanya.

Mayroon pang isa na dapat sana ay makabahagi siya sa hirap na inyong pinag­daraanan at ito ay ang iyong tatay, kaya lang ayon sa iyo ay lasenggo siya.

Bilang asawa, hindi niya nagagampanan ang isa sa mga bow of marriage na ang mag-asawa ay magsasama sa hirap at ginhawa.

Ang nanay mo na asawa niya ay nahihirapan, saman­talang, siya ay nasasarapan sa pag-inom ng alak.

Pero, dahil ang nanay mo ay bed ridden na, maaaring hindi na niya namamalayan ang nangyayari sa inyong pamilya kaya ikaw na anak ang hirap na hirap ang ka­looban. Ito mismo ang ma­sasalamin sa iyong panaginip.

Wala kang magagawa dahil hindi mo puwedeng pagalitan ang tatay mo, pero, sa totoo lang, puwede, lalo na kung napuno na ng sama ng loob ang dibdib mo.

‘Yun nga lang, wala ring saysay kung sasabihin mo ang iyong sama ng loob.

Minsan, mahirap mauna­waan ang buhay sa mundo dahil kung sino pa ang ma­buti, siya pa ang nagdurusa, samantalang, ang hindi ma­buti ay patuloy na nabubuhay sa masaya.

Masayang maging la­senggo, kaya ang mga ma­nginginom ay makikitang nalalasing sa kaligayahan.

Pero, sa biglang tingin lang ito dahil ang lihim na ka­totohanan, ang mga taong madalas na umiinom ng alak ay malungkot ang buhay.

Ang totoo, sila ay naka­kaawa dahil sila ay nagta­taglay ng mahinang persona­lidad.

Kaya totoong nakakaawa ang nanay mo ayon sa iyong panaginip, tapos ang iyong ta­tay ay hindi mo kinaka­awa­an dahil siya ay iyong kinai­ini­san. Pero, kung matatang­gap mo na nakakaawa rin ang tatay mo, mababawasan ang inis mo.

Sa ngayon, maaaring hindi mo pa maunawaan ang katotohanang ito sa buhay ng iyong pamilya, kaya ang payo para sa iyo, keep on praying to the Lord, as in, huwag kang susuko na ma­nalangin na sana ay guma­ling na ang nanay mo at huminto na sa bisyo ang tatay mo.

Hanggang sa muli,

Professor Seigusmundo del Mundo