PINOY WRESTLERS, PALABAN SA PHL 30TH SEA GAMES

ISA sa combat sports na inaasahang magbibigay ng medalya maliban sa boxing, taekwondo at judo sa South­east Asian Games ay ang wrestling at kumpiyansa si Wrestling Association of the Philippines Alvin Aguilar sa kakayanan ng kanyang mga palaban at battle-tested wrest­lers sa 30th edition 11-nation biennial meet.

Sinabi ni Aguilar na re­gular na nage-ensayo ang kanyang mga bata upang makondisyon sila sa oras ng laban kung saan muling mapapalaban sa wrestlers ng 10 mga bansa.

Hasang-hasa ang kan­yang mga bata at malawak ang karanasan sa pakiki­paglaban sa labas kon­tra sa mga bigating fo­reign rivals.

Ang wrestling ay isa sa siyam na sports kasama ang athletics, fencing, cycling, gymnastics, lawn tennis, shoo­ting, swimming at weightlifting na nilaro sa unang Olympic Games na ginawa sa Athens, Greece.

Nang tanungin ang ma­higpit na kalaban ng mga Pinoy, binanggit ni Aguilar ang Vietnam.

Ang mga best bet for the gold aniya ay sina Alvin Lob­reguito, Jason Bau­cas, Henry Foy-O, Noel Norada, Ronil Tubog, Jason Balabal, Johnny Morte, Mar­garito An-gana, Jeffer­son Mana­tad, Maybeline Ma­suda, Vince Ortiz at Maria Aisa Ratcliff.

Twenty six wrestlers ang kakatawan sa ‘Pinas kasama sina Noemi Tener, Francis Villanueva, Grace Lobe­ranes, Minalyn Foy-Os, Michael Vijay Cater, Allen Mitch Arcilla, Joseph An­gana, Jiah Pingot, Joffer Cal­lado, Rogelyn Parado, An­thony Arcilla, Kai Guin­go­na, Shelly Avelino at Justin Ceriola.

Ang wrestling ang ka­sama sa mahigit 10 combat sports kasama sa 56 sports na lalaruin sa SEAG sa Nob. 30 –Dis. 11 tampok ang ma­higit 10,000 atleta.