Laborer tepok sa katoma

CAMARINES NORTE—Isang laborer ang binaril at napatay ng kanyang kainuman, kamakalawa sa Bgy. San Lorenzo, Sta. Elena sa lalawigang ito.

Ang biktima ay nakilalang si Camagong Dupile, nakatira sa nasabing barangay.

Ayon sa ulat, habang nag-iinuman ay nagkaroon ng pagtatalo si Camagong at ang suspek na nakilala lang sa alyas “Rodelio” na humantong para barilin ng salarin ang biktima.

Nagpalabas na ng manhunt operation ang mga awtoridad para madakip ang suspek.