Driver todas sa drug-bust

QUEZON—Isang driver na drug pusher ang napatay nang makipagbarilan sa pulisya na nagsagawa ng drug-bust operation, kamakalawa sa Bgy. Ibabang Iyam, Lucena City sa lalawigang ito.

Ang suspek ay nakilalang si Isidro Katigbak, nakatira sa naturang barangay.

Nabatid na darakpin sana sa drug-bust ope­ration si Katigbak, pero nanlaban ang suspek at pinagbabaril ang mga tauhan ng pulisya.

Dahil dito, kaagad gumanti ng putok ang mga awtoridad kaya napatay ang suspek.