DJANGO, WALANG KUPAS SA TEXAS ONE POCKET

PINATUNAYAN ni Francisco “Django” Busta­mante ng Pilipinas na wala pang kupas ang kanyang tikas sa pagtumbok sa kabila ng paglapit niya sa bansag na “senior citizen” matapos nitong walisin ang oposis­yon sa larangan ng One Poc­ket sa Big Tyme Billiards Classic 2019 na ginanap sa Houston, Texas.

Matapos makakuha ng opening round bye, kuma­ripas si Bustamante patungo sa walang mantsang kar­tada sa torneo.

Tinuruan niya ng lek­siyon sina Ernesto Ba­yaua, Canadian ace John Morra, kapwa Pinoy na si Roberto “Superman” Go­mez at Shane “Doomsday” Mc­Minn sa hotseat match.

Sa dakong huli, nang mag­harap uli sa cham­pion­ship showdown, dinaig ng Pinoy si McMinn, 5-2, para sa korona na nagkakahalaga ng $2,800.

Kasama naman sa mga nahugutan ng panalo ni Gomez sina Tony Cho­han, Richie Richieson at Alex Calderon.

Si McMinn na puma­nga­lawa, ay nagbulsa ng $1,600 samantala, napunta ang pangatlong posisyon at ang gantimpalang salapi na $1,000 kay Calderon.

Pumasok din sa winners’ circle sina Gomez ($600) nang mahablot nito ang pang-apat na baytang sa­man­talang nagsosyo sina Jeremy Jones ($400) at si Morra ($400) sa panglima at pang-anim na puwesto ayon sa pagkakasunod-su­nod.

Matatandaang ang 55-taong-gulang na alamat mula sa Tarlac ang naging back-to-back Derby City Classic One Pocket kingpin sa palaruan ng Elizabeth, Indiana kung saan nagbulsa siya ng papremyong $12,000.