ENTRA NA SA WEST FINAL GSW GINIBA ANG ROCKETS

MAY pinagsamang 60 puntos sina Stephen Curry at Klay Thompson nang gibain ng bisitang Golden State Warriors sa huling bahagi ng Game 6 ang Rockets para makapasok sa Western Conference semifinal series sa bisa ng 118-113 victory kahapon.

Nagwagi ang Warriors sa finale ng best-of-seven series sa kabila ng wala ang kanilang leading scorer ngayong postseason, si Kevin Durant, nagpapagaling ng kanyang calf injury. Hindi pa tiyak kung maglalaro siya sa Game 1 ng Western Conference Finals sa Oakland, Calif., sa Martes laban sa Portland Trail Blazers o sa Denver Nuggets.

Hindi pa nga makaiskor si Curry, sa 0-for-5 shooting sa first half, pero nakapagsalpak ng 3-points sa papakulapsong fourth quarter at pumoste ng 33 points. May tinapos siyang 23 points sa fourth.

Tumatrangko pa sana ang Rockets, 107-104, kasunod ng driving layup ni James Harden, pero nakapagsalpak si Thompson ng 3-points sa natitirang 36.1 segundo para makasampa sa next series ang Warriors. Dumagdag si Thompson ng 27 points habang si Kevon Looney (14 points) at Shaun Livingston (11) ay umiskor ng dobleng pigura. Nakagawa si Andre Iguodala ng 17 points.

Nasayang ang 35 puntos ni Harden sa Rockets, eight rebounds at four steals. May nagawang best game si Chris Paul na 27 points at 11 boards, pero kina­pos pa rin. Pinatalsik din ng Warriors ang Rockets noong post­season, nag­wagi sa Game 7 ng conference finals sa Houston. (MC)