Tulak dedbol sa buy-bust

QUEZON—Isang drug pusher ang napatay nang makipagbarilan sa pulisya na nagsagawa ng buy-bust operation, kamakalawa sa Bgy. Marketview, Lucena City sa lalawigang ito.

Ang suspek ay nakilalang si Michael Antonio, nakatira sa naturang lungsod.

Ayon sa ulat, darakpin sana sa buy-bust operation si Antonio, pero nanlaban ang suspek at pinagbabaril ang mga tauhan ng pulisya.

Kaagad namang gumanti ng putok ang mga awtoridad na naging dahilan kaya napatay ang suspek.