Pusher todas sa drug-bust

LAGUNA—Isang drug pusher ang napatay nang manlaban at makipagbarilan sa pulisya na nagsagawa ng drug-bust operation, kamakalawa sa Bgy. Bucal, Calamba City sa lalawigang ito.

Ang suspek ay nakilalang si Alfredo Vivas, nakatira sa naturang barangay.

Nabatid na darakpin sa drug-bust operation si Vivas, pero pumalag ang suspek at pinagbabaril ang pulisya.

Dahil dito, kaagad gumanti ng putok ang mga awtoridad kaya napatay ang suspek.